ياسماي و موطني ..
Stop the War Against Women Wearing Hijab.
Design By: Mohamed Mousa
543 notes (via yasmin-a & almohamedg)
فى يناير 2007 كان فيه واحد مسك كَـمَـان فى المترو وبدأ يعزف 6 مقطوعات موسيقية لـ باخ لمدة ساعة، وفى خلال الوقت ده عدّى عليه تقريبا 2000 شخص فى الغالب كانوا رايحين شغلهم، بعد كام دقيقة اتحطله أول فلوس فى الطاقية اللى جنبه، وماحدش وقف قدامه يسمعه فعلا غير قليلين جدًا وكلهم مشيوا فى محطتهم وكملوا سكتهم العادية، ودايمًا الأطفال كانت بتروح تقف عنده وتسمع لحد ما أمهاتهم تشدهم بعيد بالعافية ويفضلوا الأطفال باصينله لحد ما يمشوا من المترو، وبعد ساعة الراجل بطّل عزف وماحدش سقفله ولا خد باله منه خالص..
الواحد ده كان عازف الكمان جاشوا بيل وهو واحد من أعظم عازفى الكمان فى العالم، وكان عزف مقطوعات عظيمة بكمان تمنه حوالى 3.5 مليون دولار، وقبليها بيومين جاشوا عزف نفس المقطوعات فى أحد المسارح فى بوسطن وماكنش فيه كرسى فاضى وكلهم سمعوه ودفعوا 100 دولار عشان يعدوا يسمعوه. ماحدش وقف ولاحظ الجمال وقدره وهو بيتقدمله ببلاش فى المترو!
الرأسمالية بنت الوسخة فى أقبح صورها حوّلت الناس لمسوخ ومصارف آلية لحد ما حواس تذوق الجمال عندهم ضمرت وانحسرت لحاجة هايدفعوا فيها فلوس، الجمال قيمة مطلقة موجود حوالينا فى كل مكان للى يلاحظه ويقدره، والفلوس آداة محدودة فشخ.. الناس بقت بتستمتع بالحاجات على حسب هىّ دفعت فيها كام مش قد إيه الحاجات دى نفسها جميلة جمال لا يقدر بتمن..
